Nën presionin e opinionit, zyrtarizohet vendimi i ministrisë së shoqërisë informatike  për uljen e çmimeve me të cilat televizionet do të transmetojnë sinjal digjital. Operatori celular ONE uli çmimet për 36 për qind, ashtu siç premtoi ministria e shoqërisë informatike që është përgjegjëse për realizimin e këtij procesi.

Edhe Struga, njëjtë si Tetova ka gjasa që të shkojë në zgjedhje të parakohshme për këshilltarë komune. Partia Demokratike Shqiptare (PDSH) nuk ka arritur që të gjejë gjuhë të përbashkët me VMRO-ne dhe LSDM-në, të cilat së bashku fituan 11 këshilltarë.

Kritika të ashpra ndaj politikës së Bashkimit Demokratik për Integrim (BDI) ndaj dëshmorëve dhe familjarëve të tyre, janë dëgjuar të dielën në akademinë përkujtimore kushtuar dëshmorëve Harun Aliu, Shaban Zenuni, Xhafer Shala dhe Qemal Fejzullahu.

Qeveria tenton që me çdo kusht të përshpejtojë procedurën për miratimin e ligjit për mediat edhe pse kohë më parë paralajmëroi se për këtë çështje do të organizohen debate publike që vërejtjet e paraqitura në to më pas të përfshihen në propozimin e hartuar nga Ministria për shoqëri informatike.