Nga fillimi i muajit qershor ka nisur ardhja e fluksit të mërgimtarëve, ndërsa paratë e tyre po mëkëmbin qarkullimin ekonomik dhe derdhjen e sasive të konsiderueshme të valutave të huaja.
Paratë e mërgimtarëve janë shumë të rëndësishme për konsumin e ekonomive familjare në Maqedoni.
Shumica e shqiptarëve janë të papunë dhe kryesisht jetojnë nga të ardhurat e familjarëve të tyre që punojnë në vendet e BE-së. Sipas ekspertëve për çështje ekonomike, rreth 1 miliardë euro janë të hyrat nga mërgimtarët e Maqedonisë, nga të cilët rreth 90 për qind janë shqiptarë.
Në raportet e fundit theksohet se niveli i dërgimit të parave nga jashtë ka qenë mbi 100 milionë euro, mirëpo këto raporte nuk përfshijnë edhe paratë që i harxhojnë mërgimtarët gjatë pushimeve në vendlindje.
