Sot në mënyrë solemne është përuruar fillimi i iniciativës 'Kultivo më shumë misër', i cili zhvillohet në korniza të projetit të USAID për zgjerim të bizneseve të vogla. Ceremonia u mbajt në shkollën e mesme të bujqësisë në Tetovë. Kultivo më shumë misër si hap i parë për modernizimin e prodhimit të misrit në Maqedoni.

Kaosi i trafikut në Tetovë ka marrë jetën e tre këmbësorëve në tre muajtë e parë të vitit. Sipas policisë shpesh shkaktarë të aksidenteve janë automjetet e rënda për transport të mallrave që transportojnë madh nga Shkupi për në Kosovë dhe duhet të kalojnë nëpër qytetin e Tetovës pasi nuk ka një rrugë alternative që lidh autostradën Tetovë-Shkup dhe magjistralen Tetovë-Jazhincë.

Ndërmarrja Publike Komunale e Tetovës vazhdon të jetë në gjendje të vështirë financiare. Edhe pse protestat e punëtorëve u ndërprenë, megjithatë rrogat e tyre ende nuk janë paguar.

BDI dhe VMRO DPMNE janë afër marrëveshjes së koalicionit për këshillin e Komunës së Tetovës. Në këtë komunë BDI-ja ka fituar 12 mandate këshilltarësh, 10 ka PDSH-ja, 5 VMRO DPMNE-ja, 2 LSDM-ja dhe nga 1 këshilltarë RDK-ja dhe Partia Demokratike Turke.