E ndjera Sherife Sherifi ka lindur më 07.09.1975 në fshatin Dobrosht të Tetovës. Që e vogël ka filluar të këndoj këngë popullore nëpër festivale të ndryshme të asaj kohe. Sherife Sherifi bashkë me këngëtarë tjerë të qytetit të Tetovës ka dhënë një kontribut të madh në promovimin e këngëve tetovare.
Sherife Sherifi pas një aksidenti që ka pasur para shumë vitesh ka mbetur hendikep në karrocë, mirëpo edhe përkundër asaj ajo ka vazhduar me muzikë. Kohët e fundit këngëtarja ka vuajtur nga një sëmundje e rëndë, për të pushuar së rahuri zemra e saj gjatë orëve të vonshme të ditës së djeshme.
Varrimi i të ndjerës pritet të bëhet sot pas namazit të drekës, në varrezat e fshatit Dobrosht. /tetova1/
