dhe të parandalon këto akte të dhunshme që burimin e kanë politikë, sepse këto akte kanë fuqinë e çështjes 'të jetë apo të mos jetë Maqedonia si shtet stabil dhe demokratik' ", deklaroi Izet Zeqiri, RDK.
Nga RDK-ja kërkojnë që partia shqiptare në qeveri të reflektoj pushtet dhe të vihet në mbrojtje të shqiptarëve sepse qenia shqiptare është e rrezikuar në aspekt të sigurisë. Nga kjo parti gjithashtu kërkojnë nga MPB-ja që të mos bëjë politikë me rastet, por maskat ti vendos në pranga.
Rilindja Demokratike Kombëtare (RDK) reagon ashpër ndaj incidentit të fundit të radhës në Shkup, duke vlerësuar se ky rast vandal kur goditen të rinjtë shqiptarë është vazhdimësi e një skenari të cilin RDK me kohë e ka paralajmëruar si skenar të mundshëm pas incidentit të rëndë në Gostivar.
"Trumpetimi permanent për integrim të vendit pa bërë kompromisin e kërkuar nga ndërkombëtarët, rezultoi me maska të organizuara që terrorizojnë të rinjtë shqiptarë me tentim deri në maltretim mizor. Rrahjet ndërmjet nxënësve të shkollave të mesme nëpër autobusë dhe vendqëndrime autobusësh, ndoshta nuk paraqesin risi në Shkup, por ky është rasti i parë kaq i përgjakshëm dhe se indikative është fshehja e të involvuara nën maska, posaçërisht tani pas incidentit në Gostivar. Vallë, ky është integrimi matanë Vardarit, për të cilin flasin integristët SHQIPTARË?!", theksohet në komunikatën e RDK-së.
Sipas kësaj partie, heshtja e turpshme e partisë shqiptare në pushtet si partnerë koalicioni me të vetmin qëllim mbrojtjen e pozitave në qeveri, është degradim i skajshëm i veprimit politik të një strukture partiake.
"Deklaratat e përfaqësuesve më të lartë të BDI-së se pavarësisht nga fakti që në samitin e NATO-së në Çikago do të refuzohet pranimi i Maqedonisë, ata do të vazhdojnë me pjesëmarrjen e tyre në qeverinë e VMRO-së, argumenton bindshëm nënshtrimin e kësaj strukture politike për motive të interesave kriminale grupore dhe klanore. Ky incident i rëndë ndëretnik argumenton alarmin e fundit se krahas përgjegjësisë komanduese duhet detyrimisht të konstatohet edhe përgjegjësia politike e personave udhëheqës në Ministrinë e Punëve të Brendshme dhe këtë përgjegjësi duhet ta kërkojë partia shqiptare në qeveri", thuhet në reagim.
RDK i bën thirrje proveniencës politike maqedonase në veçanti qeverisë aktuale të parandalojë këto akte të turpshme dhe dhunshme që burojnë nga politika, sepse këto akte kanë fuqinë e çështjes të jetë ose të mos jetë Maqedonia si shtet multietnik dhe demokratik.
"Kërkojmë nga faktori vendimmarrës ndërkombëtar që të vetdijesojë qeverinë aktuale të Shkupit që të bëjë kompromisin e domosdoshëm me Greqinë dhe të mos keqpërdorë popullatën e pafajshme shqiptare për arritjen e objektivave integruese", theksohet në fund të komunikatës së RDK.
