Zjarri në rrethin e fsh.Radushë, është ende aktiv. Gjatë natës ka mbetur një ekip prej 3 zjarrëfikësve me një automjet për të kujdestaruar.
Zjarri që mbrëmë u paraqit mbi fsh. Graçan të Shkupit është ende aktiv. Nga zjarri është kapluar bar i thatë, dëllinjë dhe pyll me drunj të shkurtër dhe i përzier në një teren të paarritshëm shkëmbor. Gjatë natës është dërguar ekip prej 3 zjarrfikësve me një automjet kurse për shuarjen e zjarrit do të intervenohet gjatë ditës së sotme.
Zjarri në v.q Banjiçe, në afërsi të Kalasë së Tetovës, ose rruga kah Teqja e Shipkovicës në Tetov ëku u kaplua pyll me drunj të shkurtër dhe i përzier është shuar krejtësisht.
Zjarri në fsh.Tudencë ( komuna Jegunovcë) është ende aktiv, por pritet që në orët e pasdites krejtësisht të shuhet. Përveç shërbimeve kompetente, në shuarjen e zjarrit kanë marrë pjesë edhe banorët vendas.
Zjarri në fsh.Strimë është ende aktiv dhe është bartur në territorin e Komunës së Çuçer Sandevës. Është zënë pyll i përzier (elm, dushk dhe ah) që mbulon një sipërfaqe rreth 250 hektarë. Nga ana e Vetëqeverisë Lokale të Likovës është dërguar një kërkesë për t'u angazhuar helikopterë të ARM-së për të shuar zjarrin dhe në qoftë se ekzistojnë kushte për të, të njëjtit sot do të jenë të angazhuar. /Zhurnal/
